Oppsett lydprøver 10.06

Nedanfor er oversikt over lydprøver før konserten 10.juni.
Alle må møte godt førebudd og i god tid. Det er en stram tidsplan så vi har ikkje tid til å vente om du ikkje møter til oppsett tid. 

Onsdag 10.juni
Lydprøver 
14.15 - 14.45 Gje meg handa di ven
14.45 - 15.10 Irish Washerwoman
15.10 - 16.00 Enkeltelevar Askjell
15.00 - 16.15 Runaway
16.15 - 16.30 Bandverkstad 1
16.30 - 16.45 10.klasse Geiranger skule
16.45 - 16.55 Alma Sofie
16.55 - 17.05 Ylva Schreijer
17.05 - 17.20 Bandverkstad 2
17.20 - 17.35 Kulturel Førskule - Danny Boy
17.35 - 17.45 evt. Håvard Eiassen
17.45 -18.00 Pause

Denne konserten vert den siste konserten til Askjell Molvær før han går av med pensjon. Han har vore lærar i Stranda i 30 år. Vi håper difor at så mange som mogleg vil vere oss å fylle kulturhuset og å gjere denne konserten minneverig både for deltakarane og for Askjell.

Kulturskulen med dansefag

For påmelding:

https://NOSTRANDA.speedadmin.dk/tilmelding

Nokre videoar av Franklin Vargas kan du sjå her

Dans 1

Franklin sin youtube-kanal med fleire ulike instruksjonsvideoar: Kanal

For dei som kan spansk - intervju på Argentinsk TV Intervju

Øvingsplanar Samspelprosjekt 2015

Her finn de øvingsplanen for dei ulike banda i Samspelprosjektet 2015.
Frå og med 9.mars til 19.mars vert alle vanlege timeplanar i Stranda sentrum endra og alle elevane skal møte på si ulike samspeløvingar.

Fordeling av elevar på dei ulike banda er sendt ut tidelegare. Den oversikta de finn her er utan namn og inneheld berre øvingstidene til dei ulike gruppene.

Her finn de øvingsplanen.

NB! Kulturell førskule har øvingar som normalt i prosjektperioden. De skal vere med på konsertane 18. og 19. mars med 1 song. Det vert sendt ut nærare og direkte informasjon til dykk om dette.

NB2! Elevar og aktivitet som er knytt til Stranda Skulekorps går som normalt om ikkje anna er avtalt.

NB3! Øvingane til FOXY går som normalt i prosjektperioden.


Med helsing Rektor

Oppstart av skuleåpret 2014-2015

Skuleåret i Kulturskulen startart i veke 34. Då skal vi ha eit felles informasjonsmøte for ALLE elevar og føresette i Storfjord Kulturhus onsdag 20.august kl. 18.00 - ca. 19.00. Dette møtet er obligatorisk for alle elevar frå sentrumskrinsen og Liabygda. Elevar frå Sunnylven og Geiranger vert også oppmoda om å møte opp. Oppmøte er også frivilleg for elevar i Kulturell Førskule og FOXY-gruppa. På dette møtet vil vi informere kort om kva det vil seie å vere elev i kulturkulen, kva de kan forvente frå skulen si side, kva vi forventar av dykk som elevar/føresette og orientere kort om planane for skuleåret. Mot slutten av møtet vil kva enkelt lærar ta med seg sine elevar på eit eige rom. Her skal læraren og dei føresette saman sette opp timeplanen for skuleåret 2014-2015. Det vert ikkje høve til å gjere endringar på timeplanen etter dette! Om de difor har spesielle ynskjer for speletida er det difor særs viktig at de møter opp. Dei som ikkje møter opp på dette møtet vil de heller ikkje kunne påverke tidspunktet for speletida! Vi kjem til å sette opp eit forslag for timeplanane før dette møtet så arbeidet med å fordele timar går raskare. Her vil enkelte ting verte "sprikra" så de vil ikkje stå heilt fritt i å velge speletid. Vi har ikkje høve til å ta omsyn til alle ynskjer som kjem inn! "..til lags åt alle kan ingen gjera... "

Undervisninga i Kulturskulen startar i år i veke 35. (25.08. - 29.08.) i alle skulekrinsane. I skrivande stund ser det ut til at fordelinga på dagar/lærarar vert slik (eg har ikkje fått endeleg stadfesta dagane frå alle grunnskulane enno, så det kan kome endringar)

 Sunnylven         Piano/Keyboard    Gunnar Inge           Tysdagar      Skulen sett opp timeplan

 Sunnylven         Gitar/trommer       Erik Torset             Måndagar    Skulen sett opp timeplan

 Sunnylven         Fele                           Synnøve H.Hole    Fredagar      Lærar sett opp timeplan

 Geiranger         Alle instrument        Gunnar Inge Eide Månd/torsdag G.I. sett opp timeplan

Det er ikkje lagt opp til undervisning i Liabygda komande skuleår. Elevar frå Liabygda vil få undervisninga si ved Storfjord Kulturhus.

I sentrumskrinsen vil vi bruke alle dagane til undervisning.

Undevisningstidene for den enkelte lærar i sentrumskrinsen ser om lag slik ut:

Erik Torset                 Gitarar                                    Onsdag og torsdag

Askjell Molvær            Piano/treblås              Onsdag

Synnøve H.Hole                     Fele                            Onsdag

Andre Ramstad          Piano/song                 Måndag, Tysdag og Torsdag

Gunnar Inge Eide      Piano/messing            Torsdag

Mass Petter Jelle        Piano                          Torsdag

Trond Otto Berg        Messing                       (truleg) Tysdag

Morgan Pedersen        Vikar gitar                   Onsdag

Gunnhild Overvoll     Kulturell Førskule      Tysdag

SPESIELT for elevane til Gunnar Inge Eide

Gunnar Inge har pappapermisjon fram til haustferien. Dei fleste av elevane får då vikar fram til dette. For nye korpsaspirantar på Stranda vert Trond Otto Berg vikar. Piano/keyboardelevar i Sunnylven får Andre Ramstad som vikar. Elevane i Geiranger får ulike vikarløysingar avhengig av kva instrument de spelar. For alle elevane gjeld det at timeplanane vi sett opp no, truleg vert endra når Gunnar Inge er tilbake.

SPESIELT for deltakarar i  Stranda Bandverkstad

Stranda Bandverkstad forstsett, men enkelte deltakarar har meldt at dei ikkje vil fortsette. Samstundes vil truleg nye kome til.  I løpet av september vert nye band etablert og nye øvingsplanar for hausten sett opp.

Vi skal i år også etablere to nye ”foreiningar” under denne oppstartsamlinga.  Det vert difor val av medlemmer til styra for desse to foreiningane i starten av samlinga.

1. Stranda Kulturskulevenner er ei støtteforening til Stranda Kulturskule der alle føresette med barn i Stranda Kulturskule er medlemmer.  Foreininga vert ei sjølvstendig eining som skal arbeide for eit tilnærma likt tilbod til alle barn og unge i kommuna.  Foreininga skal leiast av eit styre på 5 medlemmer valt mellom dei føresette. Før samlinga vil vi konkret utfordre 5 personar til å sitte i dette styret.

2. Stranda Kulturskuleforum vert ein ”paraplyorganisasjon” for aktivitetar som ligg utanfor og på sida av den ordinære drifta til Kulturskulen.  Styret her skal også bestå av 5 personar, minimum 2 av dei må vere under 26 år. Styremedlemmene kan vere føresette, lærarar eller knytt til kulturskulen på ein annan måte.  Vi skal denne gongen formelt etablere foreininga og velje eit førebels styre (interimstyre).  Vi vil også her utfordre 5 konkrete personar til å sitte i dette styret.

Trond Otto Berg

Rektor

Oppmøtetider lydprøve Sommarkonserten 2014

Oppmøtetider for lydprøver før konserten onsdag 4.juni finn de her Oppsett lydprøver

Søknadsfrist Stranda Kulturskule. 1. mai 2014

Søknadsfristen for skuleåret 2014-15 nærmar seg.
For å sjå dei tilboda Stranda Kulturskule tilbyr for neste skuleår kan de sjå på dei ulike faldarane som er lenka til nedanfor.

For å søkje på nye fag og/eller melde frå om de ynskjer å behalde elevplassen må de logge på denne adressa:

https://nostranda.speedadmin.dk

Bruk då tilsendt brukarnamn og passord for eksisterande elevar, eller opprett ein ny brukar i systemet dersom du ikkje har vore elev tidlegare. Nedanfor finn de også brukarrettleiingar for denne brukarportalen.

Lukke til.



Kulturskulen sin informasjonsfaldar for 2014

Kulturskulen sin informasjonsfaldar for nye fag.

Rettleiing for nye søkjarar finn de her.

Rettleiing for eksisterande og tidlegare elevar finn de her.

HUSK å melde deg på kulturskulen før 1. mai. ALLE må melde tilbake om dei vil fortsette eller ikkje!

No er det på tide å tenkje på neste skuleår i Stranda Kulturskule. Dei som allereie er elevar ved skulen MÅ logge seg på elevkontoen sin på NOSTRANDA.speedadmin.dk og re-registrere seg, eventuelt melde seg av, tilbod for neste skuleår. Frist for tilbakemelding er 1. mai 2014. Dei som ikkje har meldt tilbake innan fristen kan misse elevplassen neset skuleår. Vi opnar også for nye søkjarar. Nye søkjarar må opprette ein ny elevkonto på NOSTRANDA.speedadmin.dk og søkje om opptak gjennom det elektroniske søknadsskjemaet der. Søknadsfrist er 1. mai.

Med helsing Rektor