Stranda Kulturskule

Timeplanar Dans 2011

2011-09-13T01:01:00.001-07:00

Gruppeinndeling og timeplanar for dansefaet hausten 2011 er lagt ut her

Timeplanar 2011-2012

2011-08-29T04:08:00.000-07:00

Timeplanar 2011-2012

Vedlagt er timeplanane for Stranda sentrumskrins for desse lærarane:

Trond Otto Berg

Andre Ramstad

Mass Peter Jelle

Gunnar Inge Eide

Erik Torset

Timeplanane for dei andre lærarane og dei andre krinsane vert lagt ut så snart desse er klare.

Øvingar før Konserten 3.juni 2011

2011-05-30T04:08:00.000-07:00

Føgjande øvingsplan er sett opp før konserten 3. juni 2011.

Alle som skal vere med har fått beskjed om kav låt de skal spele. For dei låtane som vart splet under samspelrosjektet i vinter, så skal desse spelast med same besetning no. Om du lurer på om du skal vere med så kontakt kulturskulen eller læraren din direkte.

Alle som skal vere med på dei ulike låtane må møte i god tid før den oppsette tida.

Fråver må meldast snarast direkte til læraren din.

Med Helsing

Trond Otto Berg

Rektor

Onsdag 1. juni

Start		Lærarar
1515	Unforgivable sinner	Erik/T.O/Andre
1600	No Parade	Erik/T.O
1645	Girl in Oslo	Erik/T.O/Andre
1730	Chicken	Erik/T.O
1815	Sommer og skolefri	Erik/T.O

Fredag 3. juni

11:30	Unforgivable sinner
12:15	No Parade
13:00	Californiacation
13:30	Sommer og Skolefri
14:00	Hallo Hallo m/band
14:30	Be still my heart
15:15	Girl i Oslo
15:45	Chicken
16:30	Solister og andre
17:30	Hallo hallo m/sang

Konserten startart kl. 18.00

Timeplan Generalprøve 22.02 og informasjon om gjennomføring av Konsertdagen 23.02

2011-02-16T05:03:00.000-08:00

Song	Band	Oppmøte	Slutt
Olsenbanden	B3	14.15	15.00
Blues når du var 15	B4	14.45	15.30
Unforgivable sinner	B4	15.15	16.00
Sommer og skolefri	B1	15.45	16.30
Katten i treet	B2	16.15	17.00
Fairytale	B2	16.45	17.30
Danse mot vår	HB	17.15	17.50
Cherio	HB	17.40	18.10
Hallo Hallo	HB	18.00	18.30
Her kommer vinteren	HA	18.15	18.50
Girl in Oslo	HA	18.40	19.10
Be still my heart	HA	19.00	19.30

Generalprøva vert i Storsalen på Kulturhuset.

Alle må møte opp godt førebudd med naudsynte notar og instrument.

På konsertdagen skal alle møte seinast kl. 09.30 på Kulturhuset. Vi pakkar ut instrument etc. på ”Kalvehagen”. Jakker, ytterklede, instrumentkasset etc. kan ligge her. Kulturell Førskule treng ikkje møte før dei kjem saman med klassene sine kl. 10.00.

ALLE elevane (ved Ringstad Skule) SKAL gå saman med skulen tilbake etter den første konserten. Her kan de ta matpausen saman med klassa som vanleg. De kan vidare gå saman med skulen ned igjen før den andre konserten.

Før Kveldskonserten må elevane vere på plass i kulturhuset kl. 17.30

Plan for konsertdagen 23.februar.

09.30 Oppmøte for alle unnateke Kulturell Førskule.

10.00 Konsert for småskulen

12.15 Konsert for Storskulen

17.30 Oppmøte før Kveldskonserten

18.00 Kveldskonsert i Storfjord Kulturhus.

Vikartimeplan for Gunnar Inge

2011-01-10T03:57:00.000-08:00

Gunnar Inge og Carolin vart foreldre til ein liten gut sist fredag. Dette betyr at Gunnar Inge skal ha 2 veker med permisjon i samband med fødselen. Diverre har vi ikkje funne vikar som kan gå inn på same tidene som Gunnar Inge har hatt.

Følgjande vikartimeplanar er sette opp:

Messingelevar i Geiranger.

Vikar: Trond Otto Berg

Tysdag 11. januar og tysdag 18.januar:

Det vert speling i skuletida, så sant vegane er opne.

Elevar i Sunnylven:

Vikar: Bjarne Sjåstad.

Bjarne avtaler speletider direkte med elevane.

Elevar i Stranda:

Vikar: Mass Petter Jelle

Tysdag 11. januar og tysdag 18.januar

Stad:Storfjord Kulturhus, Kalvehagen.

14.15 Josefine Emilie Hagen

14.35 Julie Rimstad

14.55 Ida Ødegård

15.15 Reidun Pauline Grønbeck

Jonathan Rekdal: etter avtale. (vikar: T.O.B eller Andreas Torheim)

Julehelsing

2010-12-22T05:59:00.000-08:00

Då var enda eit halvår over for Stranda Kulturskule og vi høyrer juleklokkene ringe i det fjerne. Stranda Kulturskule har hatt ein aktiv haust, med mange fine konsertar og prosjekt bak oss. Eg vil takke alle som på kvar sin måte har bidrege på desse konsertane og oppdraga. Mange av elevane våre har stått på og hatt ei god utvikling og vi er verkeleg imponert over kva enkelte av elevane våre har makta å få til! Eg vil ikkje trekke fram nokon spesielle elevar, men for for meg var nok julekonserten som vi hadde i Stranda Kyrkje eit høgdepunkt for halvåret.

Det er også tid for å sjå framover mot vårsemesteret. Enkelte av elevane våre vil få ny lærar frå januar av. Carolin og Gunnar Inge ventar sitt tredje barn, og Mass Petter Jelle har takka ja til å vere vikar for Carolin i den tida ho er ute i fødsespermisjon. Vi ynskjer Mass Petter velkommen i lærarstaben igjen. Han vil gå rett inn og ta over alle elevane Carolin har hatt og speletidene vert uendra. På andre lærarar kan det verte mindre juseringar av timeplanane. Dei elevane dette gjeld har fått beskjed om dette.

Rett over jul er det igjen på tide med ”Samspelprosjekt” i Stranda Kulturskule. Vi skal i år satse på eit heilnorsk repertoire. Alle låtane vi har valt ut er skrivne/innspelt med norske artistar. Vi har er ikkje heilt ferdige med å sette opp dei ulike banda, men så langt har vi plukka ut m.a. desse låtane. ”Her kommer vinter’n” (Jokke og Valentinerne), ”Hallo, Hallo” (Knutsen og Ludvigsen), ”Sommer og skolefri” (Malin), ”Fairytale” (Alexander Rybakk) og ”Olsenbanden”….. Dette blir moro! Vi legg opp til konsertar veka før vinterfeiren.

Vi skal også igangmed eit større prosjekt for elevane i Sunnylven. Dette er eit samarbeid med skulen, Skulekorpset og ungdomslaget på Hellesylt. Hovudtyngda her vert i samband med Grunnskuleveka i Sunnylven like før påske.

Elles kjem vi til å legge opp til mindre konsertar og speleoppdrag framover våren. Vi slutatr av i månadsskifte mai/juni, men nøyaktig dato for avslutningskonsertane er enno ikkje sett.

Når det gjeld oppstarten etter jul vert første undervisningsdag tysdag 4. januar.

Eg ynskjer dykk alle ei velsigna julehøgtid og håper de alle kjem attende til eit nytt og innhaldsrikt semester i 2011.

Med helsing

Rektor

VIKTIG info til songarane i Stranda Kulturskule

2010-12-02T05:04:00.000-08:00

Alle songelevane skal møte til fellesøving på Kulturskulen måndag 6. og tysdag 7. desember kl. 16.00 - ca. 16.45. NB!! Det vert øving altå BÅDE måndag og tysdag.

Songarane skal øve inn "Det lyser i stille grender" tostemt. Denne skal framførast på Julekonserten i Stranda Kyrkje, søndag 12. desember kl. 16.00

PS!! Den øvinga som var avtalt på Ringstad Skule onsdag 8.desember vert AVLYST!

NB! Gje meldig om du ikkje har høve til å møte.

mvh

André

Avslutning av semesteret

2010-11-22T05:29:00.000-08:00

Stranda Kulturskule avsluttar den vanlege undervisninga før jul i veke 49 (6. - 10. desember).

I veke 50 skal vi gjennomføre fleire konsertar og dei fleste av elevae våre vil få tilbod om å vere med på ein eller fleire av desse. Om du skal delta på ein konsert vil du få beskjed om dette direkte frå læraren din. For dei som ikkje skal delta på konseratr/arrangement vert altså siste undervisninga før jul i veke 49.

Dei arrangementa som er planlagt i november og desember er desse:

24.november – Speling på ”Kaffitreffet” i Stranda Kyrkjesove

5. desember – Lysmess, Liabygda Kyrkje

12.desember – Julekonsert, Stranda Kyrkje

15. desember – Institusjonskonsertar, Stranda

16. desember – Institusjonskonsertar, Geiranger

19.desember – Julekonsert, Sunnylven Kyrkje.

I tillegg til dette vert det også institusjonskonsertar i Sunnylven, og diverse andre speleoppdrag også

Etter jul startar vi opp samstudes som grunnskulane i kommunen med første undervisningsdag tysdag 4. januar.

Vi ynskjer dykk alle LUKKE TIL i førebuingane til jul og på dei komande konsertane. Vi ynskjer dykk også velkomne til eit nytt og spanande semester i 2011.

Vi er no i sputtspurten på planlegginga av vårsemesteret, og reknar med å køyre til samspelprosjekt for elevane i Stranda i løpet av januar/feburar 2011.

Med Helsing Rektor

PS! Om du ikkje ynskjer å behalde plassen din etter jul må du hugse å seie opp plassen i Kulturskulen skriftleg før 1. desember 2010.

Studiedagar i Stranda Kulturskule

2010-09-28T08:04:00.000-07:00

Nokre av lærarane våre skal til Geiranger på kurs onsdag til fredag denne veka. Undervisninga desse tre dagane går difor ut for desse lærarane.

Lærarane som skal på kurs er: All undervisning for desse lærarane vert avlyst.

Trond Otto Berg

Andreas Torheim (aspirantar/juniorar Stranda, onsdag)

Erik Torset (elevar Stranda, onsdag og torsdag)

Gunnar Inge Eide (elevar Sunnylven og Stranda på torsdag)

Dei lærarane som ikkje skal på kurs underviser som normalt desse dagane, med dei har høve til å gje elevane fri ein annan dag i løpet av skuleåret.

Minner også om at det er Haustferie neste veke (4. - 8. oktober) og difor heller ingen kulturskuleundervisning.

Vi minner også om SUPERTILBODET frå Storfjord Kulturhus: Alle elevar i Stranda Kulturskule får kjøpe bilettar til konserten med Arve Tellefsen og Håvard Gimse for kr. 150,- !! Vi håper mange elevar nyttar seg av dette tilbodet!

Med Helsing

Trond Otto Berg

Timeplanar

2010-08-28T02:02:00.001-07:00

Dette er timeplanane som er sette opp for skuleåret 2010 - 2011.

Det var mange som ikkje møtte på fellesmøtet vi arrangerte for å sette opp timeplanane. Desse har vi sett opp på dei ledige plassane i timeplanen. Kvar enkelt er anvarlege for å finne kvar de er sett opp i timeplanen.Om noko er uklart eller feil, ber vi dykk ta kontakt med kulturskulen snarast!

Hugs å gje beskjed dersom de ikkje kan møte til første timen.

PS! Gunnar Inge sine elevar skal ha fått beskjed direkte frå han.

Lærar: Andre Ramstad
Måndag
Stad: Kulturskulen, "Hjorten"
12:40	13:00	Iris Ramona Liset	Song
13:00	13:20	Emilie Holebakk Ljøkell	Song
13:20	13:40	Hanne Skog	Song
13:40	14:00	Hege-Beate Otnes Hovde	Song
14:15	14:35	Pernill Viddal Støbakk	Song
14:35	14:55	Mia Urke	Song
14:55	15:15	Thea Urke	Song
15:15	15:35	Susann E. Sørheim	Song
16:00	16:20	Helene Kjølås	Song
16:20	16:40	Kissor Jeyabalan	Keyboard

Tysdag
Stad: Kulturskulen, "Hjorten"
14:15	14:35	Maiken Amalie G Solberg	Song
14:35	14:55	Marie Vangen	Piano
14:55	15:15	Andrea Langlo	Piano; Song
15:15	15:35	Katrine Mykløen Ødegård	El-orgel
16:00	16:20	Malin Kristin Fylling Hasselø	Song
16:20	16:40	Mina Rjånes Kjetlien	Song
16:40	17:00	Ida Øen Hjellbakk	Song
17:00	17:20	Malin Corneliussen	Piano


Lærar: Askjell Mollvær
Onsdag
Stad: Kulturskulen, "Rom "2"
14:15	14:35	Ola Mehl Slettebak	Piano
14:35	14:55	Tove Havnen Hansen	Piano
14:55	15:15	Benjamin Rekdal	Piano
15:15	16:00	Signy Andrine Korsedal, Sara Hoel Røyr, Sofie Berge Sæbø	Tverrfløyte
16:00	16:35	Nikoline Koppang, Tuva Rolfsen	Saxofon
17:00	17:20	Maria Bjørstad Ringset	Piano
17:20	17:40	Maria Kjetlien	Piano
17:40	18:00	Henriette Vikstøl Hoel	Piano
18:00	18:20	Niklas José Bertelsen Drege	Tverrfløyte
18:20	18:40	Anna Ødegård	Piano
18:40	19:00	Tonje Corneliussen	Piano
19:00	19:20	Åsta Løfald	Saxofon
19:20	19:40	Erling Ove Berstad	Piano
19:40	20:00	Solveig Årdal	Piano
20:00	20:20	Stine Fivelstad	Saxofon
20:20	20:40	Johan Olav Røssvik Synnes	Piano
20:40	21:00	Andreas Havnen Hansen	Piano
21:00	21:20	Helene Kjølås	Piano

Lærar: Synnøve Hjellbakk Hole
Onsdag
Stad: Kulturskulen, "Kalvehagen"
14:15	14:35	Camilla Torkildsen	Fiolin
14:35	15:15	Ylva A.Schreijer, Johan F. Øye	Fiolin
15:15	15:35	Henriette Fivelstad	Fiolin
15:35	15:55	Gro Mari Kjellstadli Langleite	Fiolin
15:55	16:15	Thugica Jeyabalan	Fiolin
16:15	16:35	Anna Lindset Remme	Fiolin


Lærar: Erik Torset
Tysdag
Stad: Kulturskulen:"Grotta"
11:00	11:20	Hemming Dalen
13:15	14:00	Kulturell Førskule	NB! på Ringstad Skule, Musikkrommet
14:30	14:20	Alf-Helge Aa. Nessan
14:50	15:10	Ola Sæten Opsvik	Slagverk
15:10	15:30	Oskar N. Hoel Røyr	Slagverk
16:40	17:00	Lars Von Amerongen	El-Gitar; Gitar
17:00	17:20	Nils Petter Sve	El-Gitar; Gitar
17:20	17:40	Håvard Kjølås	Gitar
17:40	18:00	Vegard Emdal	El-Gitar; Gitar
18:00	18:20	Petter Furset	El-Gitar
18:20	18:40	Øyvind Eliassen	El-Gitar
18:40	19:00	Jonatan Uranes	Bassgitar
19:00	19:20	Thomas Astad Sve	El-Gitar; Gitar

Onsdag
Stad: Kulturskulen:"Grotta"
14:10	14:30	Iver Døving	Slagverk
14:30	14:50	Stian Langlo Andresen	Slagverk
14:50	15:10	Kjellrunn Lied	El-Gitar; Gitar
15:10	15:30	Kristoffer Bø	Bassgitar
15:30	15:50	Kornelius Bø	El-Gitar; Gitar
15:50	16:10	Erling Ove Berstad	Slagverk
16:10	16:30	Håvard Eliassen	Slagverk

Torsdag
Stad: Kulturskulen:"Grotta"
13:40	14:00	Erik Nordang Hole
14:10	15:10	FOXY
15:30	15:50	Erlend Støbakk	Slagverk
15:50	16:10	Erlend Opsvik	Gitar
16:10	16:30	Patrick Thoor	Slagverk
16:30	16:50	Shanjiv Nithiyaselvan	El-Gitar; Gitar


Lærar: Trond Otto Berg
Tysdag
Stad: Kulturskulen "Rom #2"
14:15	14:35	Marita Kristin Eriksen Wedlog	Kornett
14:15	14:35	Amalie Ringdal Birkhol	Kornett
15:15	15:35	Nils Petter Sve	Euphonium
15:35	15:55	Andreas Havnen Hansen	Kornett


Lærar: Carolin Eide
Fredag
Stad: Kulturskulen, "Rom #2"
14:15	14:35	Arthur Åsen Nordang	Keyboard
14:35	14:55	Hallvard Lied	Keyboard
14:55	15:15	Marcus Djupvik Myhre	Keyboard
15:15	15:35	Celine Skarbø	Piano

Info-hefte 2010-2011

2010-08-26T05:21:00.000-07:00

INFO-skriv frå Kulturskulen

Velkommen til nytt skuleår i Stranda Kulturskule. Leiinga og lærarane ved skulen er no klare til å gå i gang med eit nytt skuleår og vi håper og trur at dette året skal verte eit godt år for både elevar, føresette og tilsette. I dette vesle skrivet finn de viktig informasjon om det å vere elev ved skulen – litt om kva vi forventar av dykk og kva de kan forvente av oss.

Tilsette:

Namn	Underviser	Telefon	e-post
Berg Trond Otto	Rektor, Korps, Stranda og Sunnylven	99 09 80 57	trondotto@gmail.com
Eide, Carolin	Pinano/keyboard, Liabygda, Stranda	938 20 496	cgieide@gmail.com
Eide, Gunnar Inge	Piano, messing Stranda, Geiranger, Sunnylven	930 49 185	cgieide@gmail.com
Hole, Synnøve Hjellbakk	Fele Sunnylven, Stranda	909 51 185	Hans.hole@c2i.net
Molvær, Askjell	Piano treblås, Stranda	970 45 411	elna@mimer.no
Ramstad, Andre	Song, Piano, Stranda og Geiranger	90 99 38 31	Andre.ramstad@norpost.net
Torheim, Andreas	Messing, aspirantar i korpsa, Stranda	416 16 052	Andreas.torheim@hivolda.no
Torset, Erik	Gitar, slagverk, FOXY, Kulturell Førskule Stranda	924 15 951	eriktorset@hotmail.com

Kontakt med skulen

Stranda Kulturskule brukar aktivt alle dei nye informasjonskanalane vi har tilgang til. Som oftast vil vi gjere generell informasjon tilgjengleg på nettet på adressa http://kulturskule.blogspot.com Denne oppslagstavla oppmodar eg alle om å ”abonnere på”. Då får de automatisk e-post når vi legg ut ny informasjon. Vi vil også sende ut SMS når vi legg ut informasjon på denne sida. SMS brukar vi også når vi sender kortare beskjeder direkte til enkeltelevar eller grupper av elevar om t.d. endringar i timeplan, avlyste timar, m.m. det er difor særs viktig at vi har rett mobilnummer registrert på dykk. I løpet av året kjem vi truleg også til å opprette ei Facebookside for kulturskulen. Berre i særleg viktige tilfelle vil vi sende brev i posten.

Skal de kontakte skulen kan de bruke e-post. kulturskulen@stranda.kommune.no eller ringe rektor på tlf. 464 11 055.

Timeplan:

Det vert sett opp ein timeplan for undervisninga. Kvar elev har i utgangspunktet ein speletime på 20 minutt. Enkelte elevar vert sette opp i mindre grupper og då får de meir tid. Sidan timane er så korte er det viktig de møter opp i god tid før timen slik at de kan førebu dykk på spelinga, ta av jakker og regnklede, slik at de ikkje bruker av speletida til dette. Møt difor gjerne opp minst 5 minutt før timen din skal begynne. Hugs å ta med notebøker og notane de brukar.

Den timeplanen som vert sett opp gjeld for heile året. Om vi må endre timeplanane av ulike årsaker vil de få beskjed om dette i god tid. Ved kortare sjukdom/vikariat hos læraren kan det hende vi ikkje får tak i vikar som kan ha timen på det same tidspunktet eller den same dagen. Då kan det vere at de får speletime på eit anna tidspunkt enn den vanleg tida.

Om treningstidene dykkar endrar seg i løpet av året slik at dei kolliderer med speletimen kan vi ikkje endre timen på grunn av dette. De kan sjølvsagt byte speletime med ein av dei andre elevane til denne læraren, men dette er noko dei føresette i tilfelle må syte for sjølv. Hugs å gje læraren beskjed om de byter speletime med ein annan elev.

I kulturhuset på Stranda er det sett opp nokre bord rett opp for trappa til Kulturskulen. Her kan de sitje å både ete og gjere lekser. De kan også bruke biblioteket når dette er ope. Hugs at dette er eit offentleg kulturhus og at det enkelte gonger kan foregå andre arrangement på huset. Vis omsyn til dette og unngå å bråke og springe i kafeen og gangane.

Om ein av dei føresette ynskjer å vere med på speletimen er de velkomne til dette. For mange vil det også verte mykje enklare å øve heime dersom ein av dei føresette også veit kva læraren sa på timen. Å ha med seg andre (t.d. venner) på timen tillet vi i utgangspunktet ikkje. Då kan det fort verte litt uroleg. Om ein venn ynskjer å fylgje deg, kan han eller ho vente ute på eit av ”lekseborda”.

Oppmøte – fråver

Vi forventar at de møter opp godt førebudd til alle timane i løpet av året. (meir om kva vi meiner med godt førebudd finn de nedanfor) Om de ikkje kan møte fordi de er sjuke, er bortreist, er på feire eller har andre gyldige grunnar så må de gje beskjed til kulturskulen. Slik beskjed skal gå rett til læraren. Om de berre er borte frå ein speletime utan gyldig grunn vert dette rekna som ”skulking”. Dersom de har tre eller fleire ”skulkekryss” på eit halvår vil de kunne misse speletimen. Det er i dag lang venteliste for å få elevplass i kulturskulen, og elevar som har mange ”skulkekryss” tek opp elevplassar for andre elvar som kanskje er meir motiverte for å lære seg å spele. Elevar som på denne måten misser elevplassen vil likevel måtte betale for timen for det aktuelle halvåret.

Om å førebu seg til timen

Det å lære seg å spele eit instrument inneber mykje meir enn berre speletimen de har i Kulturskulen. For å verte god å spele treng de å øve mykje og ofte heime. Vi forventar difor at de spelar på leksa minimum 3 gongar – eller så mange gongar de treng for å lære den - mellom kvar speletime. Det beste er sjølvsagt å øve mykje meir – helst kvar einaste dag. Sett gjerne av eit fast tidspunkt på dagen – rett etter at de kjem heim frå skulen? Rett etter middag?. Då er det enkelt å hugse å øve og lære seg gode øvingsrutiner. Øv også på ein fast plass i huset. Der bør det vere roleg og skjerma slik at de kan konsentrere dykk om spelinga. Helst ikkje øve med TV’en på, og 2 småsøsken springande rundt på golvet. Då vert øvinga ikkje så veldig effektiv. Om de etablerer slike gode rutiner i starten trengst kanskje ikkje meir enn 5 minutt for dag for å verte god å spele.

Det er også viktig at instrumenta de øver på er gode nok. Mange kjøper kanskje eit dyrt piano, og så vert det berre ståande der – utan vedlikehald. Eit piano – uavhengig om det vert brukt eller ikkje – bør stemmast ein gong i året. Å spele på instrument som er øydelagde, ustemde eller har andre manglar er svært lite motiverande og vil gjere det vanskelegare for eleven som skal lære å spele. Det same gjeld gitarar og feler. Desse må ofte stemmast kvar gong dei er i bruk. Kjøp gjerne ei elektronisk stemmemaskin. Desse kan kjøpast på dei fleste musikkbutikkar, eller så kan Kulturskulen hjelpe dykk med å kjøpe dette. Kontakt læraren din om dette. Vi kan også formidle kontakt til kompetente pianostemmarar.

Det er også viktig å ta godt vare på notane og bøkene de får her på Kulturskulen. Ha gjerne notane i ei eiga mappe eller i ein eigen perm. Då vert dei verken bretta, våt, skitten eller borte mellom andre bøker/papir frå skulen.

Hugs også å ta med alt nødvendig utstyr på speletimen her. Dette kan vere notar og notebøker, fela m/boge, gitaren, trommestikkene eller andre ting de treng for å spele.

Kva er inkludert i elevavgifta

Alle med elevplass i kulturskulen må betale for den. Den er for tida på kr. 1035,- pr. halvår for ein vanleg elevplass. I dette ligg de at de skal få den undervisninga de treng! Ein normalelev får 20 minutt speletime kvar veke i ca. 34 veker. Enkelte veker kan konsertar/speleoppdrag kome i stadenfor speletimen. Enkelte delar av året vil de også ha både konsert og speletime i same veka. (særleg før jul)

Om de misser uforholdsmessig mykje undervisning i løpet av eit år (ca. 4 gonger pr. år) som følgje av at vi må avlyse speletimen, har de krav på å få redusert elevavgifta. Om de er vekke frå speletimen av andre grunnar (sjukdom, ferie m.m.) vil de ikkje få redusert avgift.

Alt av materiell de får på kulturskulen må de betale for i tillegg. Dette gjeld m.a. spelebøker og leige-instrument. (feler, øvingstrommer) Alt dette kjem på same rekninga som elevavgifta for dette halvåret.

Skulerute – Prosjekt

Skuleruta til Kulturskulen fyl i stor grad skuleruta til grunnskulane, men vi har nokre studiedagar som ikkje grunnskulen har. Det vert lagt ut ei fullstendig skulerute for hausthalvåret på nettet ein av dei næraste dagane. Her vil det gå fram kva tid vi har konsertar og andre arrangement også. Ikkje alle elevane deltek på alle konsertane, men alle er sjølvsagt hjarteleg velkomne som publikum.

I løpet av vårhalvåret skal vi også i år køyre eit ”samspelprosjekt”. Kva tid dette vert og korleis det vert lagt opp er enno ikkje bestemt. Dette vil de få beskjed om når skuleruta for vårhalvåret vert lagt ut.

Om de vil spele meir

Kulturskulen disponerer utstyr og øvingsrom. Mykje av tida står desse romma og utstyret ubrukt. Om nokon har noko spesielt dei skal øve til og ynskjer å låne øvingsromma her kan dette la seg gjere. Om de ynskjer å starte band og treng ein stad å øve kan de også få bruke og låne utstyr og rom her. Om de ynskjer dette så kontakt rektor og/eller dagleg leiar på Kulturhuset så finn vi nok sikkert ei ordning.

Om de vil slutte

Det hender at enkelte finn ut at det å spele i Kulturskulen ikkje passa heilt for dei, og at de misser motivasjonen for å lære seg eit instrument. Då har de høve til å slutte til jul. Om de ynskjer å slutte til jul, må vi ha skriftleg beskjed om dette innan 1. desember! Med skriftleg beskjed meiner vi ein e-post eller brev sendt til kulturskulen si adresse eller e-postadresse. Munnlege beskjedar, gulelappar i speleboka, sms til læraren (eller rektor) eller andre liknande måter å kommunisere på gjeld ikkje som skriftleg beskjed!

Spesielt om undervisninga i dei ytre krinsane

I alle skulekrinsane utanom Ringstad og Helstad har vi heile eller delar av undervisninga i grunnskuletida til elevane. Dette er ei god ordning for dei fleste. Elevane er ofte meir opplagde, møter meir presist og er ofte betre førebudd.

For den undervisninga vi har på grunnskulane er det i hovudsak skulen som sett opp timeplanane og som gjev beskjed til elevane om denne.

Ved at de tek imot elevplassen i Kulturskulen, aksepterer de også at eleven KAN misse noko av den obligatoriske undervisninga i grunnskulen. For dei aller, aller fleste vil ikkje dette bety noko som helst. Etter vår erfaring vil dei aller fleste som misser nokre få minutt undervisning på denne måten raskt innarbeide gode rutiner slik at dei når ”vekestatus” skal gjerast opp, har gjort like mykje skulearbeid som dei andre elevane.

Trond Otto Berg

Rektor

Brev om oppstarten av skuleåret

2010-08-20T02:48:00.000-07:00

Oppstart av skuleåret 2010-2011

Vi ynskjer deg velkommen til nytt skuleår i Stranda Kulturskule og håper at du skal få eit fint og godt år i skulen og at vi skal få til mykje moro saman.

Elevar som får undervisning i Stranda sentrum skal møte til ei fellessamling i Kulturhuset onsdag 25.august kl. 18.00 – til ca. 19.00. (elevar/føresette frå andre krinsar er også velkomne, men samlinga er obligatorisk for alle i Stranda sentrumskrins/Helstad)

På denne samlinga vil vi kort presentere planane for Kulturskuleåret 2010-2011, snakke litt om forventingar vi har til dykk, og kva de kan forvente av oss, litt om vedlikehald av instrument og korleis de skal få best mogleg utbytte av undervisninga de får.

På denne samlinga skal også alle timeplanar leggast! Det er difor særs viktig at alle familiar møter. Det vil ikkje vere mogleg å endre timeplanane etter denne dagen!

Oppstarten for dei andre elevane vert slik:

Stad	Instrument (lærar)	Første und. Dag.	Ansvarleg for timeplan/
Geiranger	Piano, gitar, song (Andre Ramstad)	26. august	Grunnskulen/lærar
Geiranger	Korpsinstrument (Gunnar Inge Eide)	Måndag 30. sept.	Grunnskulen/lærar
Liabygda	Piano (Carolin Eide)	Måndag 23. sept.	Grunnskulen/lærar
Sunnylven	Fele (Synnøve H.Hole)	Tysdag 24.sept	Lærar
Sunnylven	Piano/keyboard (Gunnar Inge Eide)	Torsdag 2. sept.	Grunnskulen/lærar
Stranda	FOXY (Erik Torset)	Tordag 26. august 14.10 – 15.10	Kulturskulen/Vaksenopplæringa
Stranda	Kulturell Førskule (Erik Torset)	Tysdag 31.august Kl. 13.15-14.00 Musikkromet Ringstad Skule	Kulturskulen
Stranda	PU-elevar (Erik Torset)	Veke 35 (30./8 – 3./9.)	Kulturskulen
Stranda	Alle andre elevar	Oppstartsamling 25.august kl. 18.00 i Kulturhuset) Oppstart med undervisning i veke 35. (30./8 – 3./9.)	Kulturskulen/lærarane.

Elevar (aspirantar/juniorar) som er knytt til dei to skulekorpsa i kommunen og som får undervinsinga si i Kulturskulen vil få beskjed om timeplanar og oppmøtetid/stad direkte frå skulekorpsa.

Vi har sett opp litt retningsliner for timeplanane i Stranda sentrumskrins. Vi kjem også til å sette opp eit konkret forslag til timeplan før samlinga 25.august slik at vi har noko å gå utifrå når vi tildeler speletimar.

Askjell Mollvær vert på Stranda på onsdagar.

Andre Ramstad vil ha timar på Stranda måndag og tysdag, i Geiranger på torsdag

Carolin Eide har timane hovudsakleg i Liabygda. Dei elevane ho har på Stranda vert på fredagar.

Gunnar Inge Eide vil ha torsdag som undervisningsdag både i Sunnylven og i Stranda sentrum. (Gunnar Inge hadde ei veke att av farspermisjonen. Elevane hans startar difor ei veke seinare enn dei andre elevane våre)

Synnøve Hjellbakk Hole vert på Stranda på onsdagar og Sunnylven på tysdagar.

Trond Otto Berg ynskjer å ha undervisninga si på tysdagar.

Andreas Torheim (aspirantar Stranda) vil undervise på onsdagar

Erik Torset er tilsett som ny lærar på gitar, slagverk, for FOXY og for Kulturell Førskule. Han vil i undervise på tysdag, onsdag og torsdag.

Erik Torset er ny i kollegiet. Han er 25 år gamal og kjem opphavleg frå Frei. Han er nyutdanna frå Musikkonservatoriet i Trondheim med gitar som hovudinstrument, men har også ei viss erfaring med trommer. Vi har stor tru på at Erik vil verte ei beriking for kollegiet ved kulturskulen og ynskjer han lukke til.

Kulturskulen har ei NY oppslagstavle på internett. Adressa til denne er http://kulturskule.blogspot.com MERK: NY ADRESSE!!! Denne kjem til å verte brukt aktivt når vi skal gje informasjon og beskjedar til elevar og føresette. Timeplanane vert også lagt ut der etter at dei er fastsette.

Vi brukar også aktivt SMS når vi skal gje kortare beskjedar til elevar/føresette. Vi ber dykk syte for at kulturskulen alltid har riktig moblitelefonnummer til ein av dei føresette. Dette er særleg viktig dersom de byte nummer i løpet av skuleåret.

Kulturskulen har fått kraftige nedskjeringar på budsjettet for inneverande år. Dette gjer at vi pr. i dag har vel 80 elevar på venteliste til ulike elevplassar. Vi kjem difor til å verte strengare enn før med omsyn til kven som får behalde plassen i kulturskulen. Vi minner difor om at ein elev som er borte frå meir enn 3 speletimar utan gyldig grunn kan misse elevplassen. Om de ikkje kan møte til speletimen, ver difor nøye med å gje beskjed om dette, helst direkte til læraren. Vi minner også om at elevar som ynskjer å slutte i kulturskulen til jul må gje skriftleg melding om dette innan 1. desember. Det held ikkje å sende ein SMS til læraren. Send helst eit brev/e-post direkte til rektor på kulturskulen@stranda.kommune.no.

Trond Otto Berg

Rektor

Velkommen til nytt skuleår

2010-08-20T02:45:00.000-07:00

Stranda Kulturskule ynskjer alle elevar og føresette velkommen til nytt skuleår i Kulturskulen. Særleg ynskjer vi Erik Torset velkommen som ny lærar ved skulen. Erik er 25 år og kjem frå Frei på Nordmøre. Han er utdanna ved Musikkonservatoriet i Trondheim med gitar som hovudinstrument. I Stranda Kulturskule skal han undervise på gitar og slagverk. I tillegg vert han lærar for FOXY og den Kulturelle førskulen.

NY adresse for oppslagstavla

2010-04-29T01:50:00.001-07:00

Oppslagstavla til Stranda Kulturskule har vore knytt til rektor sin private g-mail konto fram til no. No har vi laga ei ny e-postadresse for Stranda Kulturskule slik at også lærarane kan legge inn beskjedar direkte på oppslagstavla.

Denne oppslagstavle vert sett i aktiv bruk frå 01.08.2010. Fram til denne dagen er det den gamle adressa som gjeld. Adressa til den gamle oppslagstavla er http://kulturskulen.blogspot.com. (det er berre ein liten -n- i slutten av kulturskulen som er forskjellen mellom dei to adressene)

Lagre gjerne denne oppslagstavla som ein av favorittane dine i nettlesaren.

Med Helsing

Rektor